Publicado en L´Osservatore Romano el 29 de Mayo de 2008.
Claro, sucinto, sin dejar lugar a dudas: quien ordene a una mujer, y la que se ordenase sacerdotisa, excomunión inmediata.
¿Lo habrá leído el Cardenal Martini?
Congregatio Pro Doctrina Fidei
Decretum generale
de delicto attentatae sacrae ordinationis mulieris
Congregatio pro Doctrina Fidei, ad naturam et validitatem sacramenti sacri ordinis tuendam, vigore specialis facultatis sibi a suprema Ecclesiae auctoritate in casu tributae (cfr can. 30 Codicis Iuris Canonici), in Congregatione Ordinaria diei 19 Decembris 2007, decrevit:
Firmo praescripto can. 1378 Codicis Iuris Canonici, tum quicumque sacrum ordinem mulieri conferre, tum mulier quae sacrum ordinem recipere attentaverit, in excommunicationem latae sententiae Sedi Apostolicae reservatam incurrit.
Si vero qui mulieri sacrum ordinem conferre vel mulier quae sacrum ordinem recipere attentaverit, christifidelis fuerit Codici Canonum Ecclesiarum Orientalium subiectus, firmo praescripto can. 1443 eiusdem Codicis, excommunicatione maiore puniatur, cuius remissio etiam reservatur Sedi Apostolicae (cfr can. 1423 Codicis Canonum Ecclesiarum Orientalium).
Hoc decretum cum in L'Osservatore Romano evulgabitur, statim vigere incipiet.
Gulielmus Cardinalis Levada
Praefectus
Angelus Amato, s.d.b.
Archiep. titularis Silensis
a Secretis
0 comentarios:
Publicar un comentario